ചേമ്പിന്‍തണ്ട് തോരന്‍

ആവശ്യമുള്ള ചേരുവകള്‍

1 ചേമ്പിന്‍ തണ്ട് -ഒരു കപ്പ്
2 തേങ്ങ ചിരവിയത് – കാല്‍ കപ്പ്
3 വെളുത്തുള്ളി – അഞ്ച് എണ്ണം
4 ചുവന്നുള്ളി – എട്ട് എണ്ണം
5 കറിവേപ്പില – രണ്ട് തണ്ട്
6 ജീരകം – ഒരു ടീസ്പൂണ്‍
7 മഞ്ഞള്‍പൊടി- അര ടീസ്പൂണ്‍
8 കടുക് – ഒരു ടീസ്പൂണ്‍
9 വെളിച്ചെണ്ണ- ഒരു ടേബിള്‍സ്പൂണ്‍
10 ഉപ്പ് – ആവശ്യത്തിന്

തയ്യാറാക്കുന്ന വിധം
1 ചേമ്പിന്‍തണ്ട് വെട്ടി വൃത്തിയാക്കി തൊലി കളഞ്ഞ് ചെറുതായി അരിഞ്ഞെടുക്കുക.
2 അരിഞ്ഞെടുത്തശേഷം അതിലെ വെള്ളം പിഴിഞ്ഞുകളഞ്ഞ് മറ്റൊരു പാത്രത്തിലേക്ക് മാറ്റുക.
3 അരപ്പിനായി, തേങ്ങ ചിരവിയതും വെളുത്തുള്ളിയും ജീരകവും ചുവന്നുള്ളിയും മഞ്ഞള്‍പൊടിയും ചേര്‍ത്ത് നന്നായി അരച്ചെടുക്കുക.
4 കുറച്ച് ചുവന്നുള്ളി ചെറുതായി അരിഞ്ഞെടുക്കുക.
5 തോരന്‍ തയ്യാറാക്കുവാനായി, ഒരു പാത്രം അടുപ്പത്തുവച്ച് ചൂടാകുമ്പോള്‍ വെളിച്ചെണ്ണ ഒഴിച്ച് കടുക് ഇട്ട് പൊട്ടിക്കുക.
6 ഇതിലേക്ക് അരിഞ്ഞുവച്ച ചുവന്നുള്ളി ചേര്‍ത്ത് മൂപ്പിക്കുക. ശേഷം കറിവേപ്പിലയും ചേര്‍ക്കുക.
7 ഇവ വഴന്നുവന്ന ശേഷം അരിഞ്ഞുവച്ച ചേമ്പിന്‍തണ്ടും ചേര്‍ത്ത് യോജിപ്പിച്ച് വേവിക്കുക.
8 ചേമ്പിന്‍തണ്ട് വെന്തുവരുമ്പോള്‍ അരപ്പും ആവശ്യത്തിന് ഉപ്പും ചേര്‍ത്ത് നല്ലൊരു ആവി വരുന്നതുവരെ അടച്ചുവയ്ക്കുക.ശേഷം നന്നായി യോജിപ്പിക്കുക.

One Reply to “ചേമ്പിന്‍തണ്ട് തോരന്‍”

Leave a Reply

Your email address will not be published. Required fields are marked *