നല്ല നാടൻ കഞ്ഞിയും പയറും പപ്പടവും

ആവശ്യമായ ചേരുവകൾ

അരി
വെളിച്ചെണ്ണ
പപ്പടം
പയർ
തേങ്ങ ചിരകിയത്
ഉള്ളി
വെളുത്തുള്ളി
ജീരകം
പച്ചമുളക്
മഞ്ഞൾപൊടി
കറിവേപ്പില
വറ്റൽ മുളക്
(ചേരുവകൾ ആവശ്യത്തിന് )

തയ്യാറാക്കുന്ന വിധം
1. അരി നന്നായി കഴുകുക. വെള്ളം ചൂടാക്കി അരി അതിലേക്ക് ഇട്ട് വേവിക്കുക. വെന്തു വരുമ്പോൾ ആവശ്യത്തിന് ഉപ്പ് ചേർത്ത് ഇളക്കി വാങ്ങുക.
2.ചട്ടിയിൽ വെള്ളമൊഴിച്ചു അടുപ്പത്തു വക്കുക. പയർ കഴുകി അതിലേക്ക് ഇടുക.ശേഷം ഉപ്പ് ചേർത്ത് പയർ വേവിക്കുക.
3.തേങ്ങ ചിരകിയത്, ഉള്ളി, വെളുത്തുള്ളി, പച്ചമുളക്, ജീരകം, കറിവേപ്പില, മഞ്ഞൾ പൊടി എല്ലാം കൂടെ ചതച്ചെടുക്കുക
4. പയർ വെന്തു വരുന്ന സമയത്ത് അരപ്പ് കൂടി ചേർക്കുക. വെന്തു കഴിയുമ്പോൾ ഇളക്കി വാങ്ങുക.
5.ഉള്ളിയും വറ്റൽമുളകും ചെറുതായി അരിയുക. തളിക്കാനായി ചട്ടി അടുപ്പത്തു വച്ച് എണ്ണ ഒഴിക്കുക.എണ്ണ ചൂടാകുമ്പോൾ കടുക് പൊട്ടിക്കുക. ക്രമത്തിൽ ചെറുതായി അറിഞ്ഞ ഉള്ളി, വറ്റൽ മുളക്, കറിവേപ്പില എന്നിവ വറത്തു വേവിച്ചു വച്ച പയറിലേക്ക് ചേർക്കുക
6വെളിച്ചെണ്ണ ചട്ടിയിൽ ചൂടാക്കി പപ്പടം കാച്ചുക.
7.കഞ്ഞിയും പയറും പപ്പടവും പാത്രത്തിലേക്ക് വിളമ്പുക. അച്ചാറുണ്ടെങ്കിൽ അതും വിളമ്പുക.പ്ലാവില കോട്ടി അതിൽ കഴിക്കുകയാണെങ്കിൽ സ്വാദ് കൂടും.

നല്ല നാടൻ കഞ്ഞിയും പയറും പപ്പടവും റെഡി.

Leave a Reply

Your email address will not be published. Required fields are marked *