നാടൻ ഇഡലിയും സ്പെഷ്യൽ സാമ്പാറും

ആവശ്യമുള്ള ചേരുവകൾ
പച്ചരി-ഇരുനാഴി
ഉഴുന്ന് -നാഴി
ഉപ്പ്
ഉള്ളി
മുളക്
ഇഞ്ചി
കറിവേപ്പില
ഉരുളക്കിഴങ്ങ്
തക്കാളി
കത്രിക
സവോള
കായ
വെള്ളരിക്ക
വഴുതനങ്ങ
മുരിങ്ങക്ക
പരിപ്പ്
കായം
മഞ്ഞൾപൊടി
വെളിച്ചെണ്ണ
ഉലുവപ്പൊടി
ജീരകപ്പൊടി
വാളൻപുളി
മുളക്പൊടി

തയ്യാറാക്കുന്ന വിധം
1.പച്ചരിയും ഉഴുന്നും വെള്ളത്തിലിട്ട് കുതിർത്ത് അരച്ചെടുക്കുക.
2. ഉള്ളി, മുളക്, ഇഞ്ചി എന്നിവ ചെറുതായി അരിയുക. കറിവേപ്പിലയും ചേർക്കുക. ഉരുളക്കിഴങ്ങ്, തക്കാളി, കത്രിക, സവോള, കായ, വെള്ളരിക്ക, വഴുതനങ്ങ, മുരിങ്ങക്ക എന്നിവയും അരിഞ്ഞു വെക്കുക
3.പരിപ്പ് കഴുകി വെള്ളമൊഴിച്ചു അടുപ്പത്തു വക്കുക. അതിലേക്ക് കായം, കറിവേപ്പില, മഞ്ഞൾപൊടി, ഉപ്പ്, വെളിച്ചെണ്ണ എന്നിവ ചേർക്കുക. എന്നിട്ട് അടച്ച് വേവിക്കുക.
4. പയർ പകുതി വേവ് ആയിക്കഴിയുമ്പോൾ അരിഞ്ഞു വെച്ച പച്ചക്കറികൾ ചേർത്ത് അടച്ചു വേവിക്കുക. തിളച്ചു കഴിയുമ്പോൾ ഉപ്പ്, ഉലുവാപ്പയോടി, ജീരകപ്പൊടി എന്നിവ ചേർക്കുക. വാളൻപുളി വെള്ളത്തിൽ ലയിപ്പിച്ചു അതുകൂടി ചേർക്കുക.
5.മുളക് പൊടിയും മല്ലിപൊടിയും ചട്ടിയിട്ട് ചൂടാക്കുക.ശേഷം വെള്ളത്തിൽ കലക്കി, വേവിക്കാൻ വച്ച കഷ്ണങ്ങളിലേക്ക് ചേർക്കുക.
6.തളിക്കാനായി ചട്ടി അടുപ്പത്തു വച്ച് എണ്ണ ഒഴിക്കുക.എണ്ണ ചൂടാകുമ്പോൾ കടുക് പൊട്ടിക്കുക. ക്രമത്തിൽ ചെറുതായി അറിഞ്ഞ ഉള്ളി, വറ്റൽ മുളക്, കറിവേപ്പില എന്നിവ വറത്തു തിളക്കുന്ന സാമ്പാറിലേക്ക് ചേർക്കുക.
7. ഇഡലി മാവിലേക്ക് ഇഞ്ചി, ഉള്ളി, കറിവേപ്പില, ഉപ്പ് എന്നിവ ചേർത്ത് ഇളക്കുക. ഇഡലിത്തട്ടിൽ വെള്ളമൊഴിച്ചു ചൂടാക്കി, എണ്ണ ഒഴിച്ച്, മുകളിൽ മാവൊഴിച്ച് അടച്ചു വേവിക്കുക.
സ്വാദിഷ്ടമായ നാടൻ ഇഡലിയും സ്പെഷ്യൽ സാമ്പാറും തയ്യാർ.

Leave a Reply

Your email address will not be published. Required fields are marked *