ചക്കക്കൂഞ്ഞ് ചക്കക്കുരു കറി

ആവശ്യമായ ചേരുവകൾ

ചക്കക്കൂഞ്ഞ്
ചക്കക്കുരു
ഉള്ളി -200 ഗ്രാം
തേങ്ങാ കൊത്ത്
പച്ചമുളക്-3
മല്ലിപ്പൊടി-4 ടീസ്പൂൺ
മുളകുപൊടി -4 ടീസ്പൂൺ
മഞ്ഞപ്പൊടി -അര ടീസ്പൂൺ
ഉപ്പ്
എണ്ണ
പെരുംജീരകം ഒരു ടീസ്പൂൺ
കുരുമുളക്- മുക്കാൽ ടീസ്പൂൺ
പട്ട -2
തക്കോലം-1

തയ്യാറാക്കുന്ന വിധം

1) ചക്കകൂഞ്ഞും, ചക്കക്കുരുവും ചെറുതായി അരിഞ്ഞ് കഴുകി മാറ്റി വയ്ക്കുക.

2) തേങ്ങാക്കൊത്ത് ചെറുതായി അരിയുക.

3) ചെറിയഉള്ളി, പച്ചമുളക്, എന്നിവ ചെറുതായി അരിഞ്ഞു മാറ്റി വയ്ക്കുക.

4) ചട്ടി ചൂടാകുമ്പോൾ കടുക് പൊട്ടിക്കുക. തേങ്ങാക്കൊത്ത് ചേർക്കുക. തേങ്ങ ചുവന്നു വരുന്ന സമയത്ത് ചെറിയ ഉള്ളിയും, പച്ചമുളകും ചേർക്കുക.കൂടെ കറിവേപ്പിലയും ചേർത്ത് നന്നായി വഴറ്റിയെടുക്കുക.

5) മുളകുപൊടി, മല്ലിപ്പൊടി എന്നിവ ചേർത്ത് വഴറ്റുക.

6) ചെറുതായി അരിഞ്ഞ് മാറ്റി വെച്ച ചക്കക്കുരു, ചക്കയുടെ കൂഞ്ഞ് എന്നിവ ചേർക്കുക. മഞ്ഞൾപ്പൊടി ചേർക്കുക. ആവശ്യത്തിന് ഉപ്പും വെള്ളവും ചേർത്ത് മൂടിവയ്ക്കുക.

7) പെരുംജീരകം, തക്കോലം, പട്ട, കുരുമുളക്, ഏലയ്ക്ക(ഗരം മസാല കൂട്ട്) നന്നായി അരച്ച് കറിയിലേക്ക് ചേർക്കുക.

8) തേങ്ങ ചിരകി കുറച്ചു വെള്ളമൊഴിച്ച് തേങ്ങാപ്പാൽ തയ്യാറാക്കുക. കറിയിലേക്ക് ചേർത്ത് മൂടിവയ്ക്കുക.

9) കറി തിളച്ചുവരുമ്പോൾ ചട്ടി ഇറക്കിവയ്ക്കുക.

സ്വാദിഷ്ടമായ ചക്കക്കൂഞ്ഞ് ചക്കക്കുരു കറി തയ്യാറായി.

Leave a Reply

Your email address will not be published. Required fields are marked *