കുടംപുളിയിട്ട ചൂരക്കറി

ആവശ്യമുള്ള സാധനങ്ങള്‍

1 ചൂര മീന്‍- ഒരു കിലോ
2 ഇഞ്ചി- ഒരു വലിയ കഷ്ണം
3 വെളുത്തുള്ളി- 10 എണ്ണം
4 പച്ചമുളക്- അഞ്ച് എണ്ണം
5 കുടംപുളി- ആറ് എണ്ണം
7 കറിവേപ്പില- രണ്ട് തണ്ട്
8 മുളകുപൊടി- നാല് ടീസ്പൂണ്‍
9 മഞ്ഞള്‍പൊടി- അര ടീസ്പൂണ്‍
10 ഉലുവാപ്പൊടി- ഒരു ടീസ്പൂണ്‍
11 കടുക്- ഒരു ടീസ്പൂണ്‍
12 വെളിച്ചെണ്ണ – ഒരു ടേബിള്‍സ്പൂണ്‍

തയ്യാറാക്കുന്ന വിധം

1 ചൂര മീന്‍ വെട്ടി വൃത്തിയാക്കി ചെറിയ കഷ്ണങ്ങളായി മുറിച്ചെടുക്കുക.
2 ഇഞ്ചി, വെളുത്തുള്ളി എന്നിവ ചതച്ചെടുക്കുക.
3 പാത്രം അടുപ്പത്ത് വച്ച് ചൂടാകുമ്പോള്‍ വെളിച്ചെണ്ണ ഒഴിച്ച് കടുക് ഇട്ട് പൊട്ടിക്കുക.
4 ശേഷം, ചതച്ച ഇഞ്ചിയും വെളുത്തുള്ളിയും അരിഞ്ഞുവച്ച പച്ചമുളകും കറിവേപ്പിലയും ചേര്‍ത്തിളക്കി വഴറ്റുക.
5 ഇതിലേക്ക് നാല് ടീസ്പൂണ്‍ മുളകുപൊടി ചേര്‍ത്ത് പച്ചമണം മാറുന്നതുവരെ മൂപ്പിക്കുക, എന്നിട്ട് ആവശ്യത്തിന് വെള്ളവും ചേര്‍ക്കുക.
6 വെള്ളം ചേര്‍ത്തിളക്കിയതിനുശേഷം കുടംപുളിയും ആവശ്യത്തിന് ഉപ്പും ഉലുവാപ്പൊടിയും മഞ്ഞള്‍പ്പൊടിയും ചേര്‍ത്ത് തിളപ്പിക്കുക.
7 കറി തിളയ്ക്കുമ്പോള്‍, അതിലേക്ക് മുറിച്ചുവച്ച ചൂരമീന്‍ കഷ്ണങ്ങള്‍ ഇടുക. എന്നിട്ട് പാത്രം അടച്ചുവച്ച് വേവിക്കുക.
8 മീന്‍ വെന്തുകഴിഞ്ഞാല്‍ കറി അടുപ്പില്‍ നിന്നും മാറ്റുക.

Leave a Reply

Your email address will not be published. Required fields are marked *