ദോശയും രണ്ട് ചമ്മന്തി കറിയും

ആവശ്യമുള്ള ചേരുവകൾ

പച്ചരി-ഇരുനാഴി
ഉഴുന്ന്-നാഴി
ഉപ്പ് – ആവശ്യത്തിന്
കാന്താരി
ഉള്ളി
വെളിച്ചെണ്ണ
കടുക്
കറിവേപ്പില
വറ്റൽമുളക്

തയ്യാറാക്കുന്ന വിധം

1.ഉഴുന്നും പച്ചരിയും വെള്ളത്തിലിട്ട് കുതിർക്കുക.
2.കുതിർന്ന പച്ചരിയും ഉഴുന്നും അരച്ചെടുത്ത് പുളിക്കാൻ വക്കുക. പുളിച്ച് വന്നാൽ ആവശ്യത്തിന് ഉപ്പുകൂടി ചേർക്കുക.
3.ദോശക്കല്ലിൽ എണ്ണയൊഴിച്ച് ഓരോന്നായി ചുട്ടെടുക്കുക.
4. ചമ്മന്തിക്ക് ഉപ്പും കാന്താരിയും അരച്ചെടുക്കുക. അതിന്റെ കൂടെ തേങ്ങയും കൂടെ ഇട്ട് അരക്കുക. ശേഷം ഉള്ളിയും ഇട്ട് അരക്കുക. ചൂടായ ചട്ടിയിൽ വെളിച്ചെണ്ണ ഒഴിച്ച് കടുക് പൊട്ടിക്കുക. കറിവേപ്പിലയും ഉള്ളി അരിഞ്ഞതും വറ്റൽ മുളകും ഇടുക. ശേഷം അരച്ചുവച്ച ചമ്മന്തിയും വെള്ളവുമൊഴിച്ച് തിളക്കുമ്പോൾ വാങ്ങുക.
5.വറ്റൽ മുളക്, ഉപ്പ് എന്നിവ അരക്കുക. പിന്നീട് തേങ്ങ ചേർത്തരയ്ക്കണം. ശേഷം ഇഞ്ചി ഇട്ട് അരയ്ക്കണം. അതുകഴിഞ്ഞു ഉള്ളിയും അതിന്റെ കൂടെ ഇട്ട് അരയ്ക്കണം. ചൂടായ ചട്ടിയിൽ വെളിച്ചെണ്ണ ഒഴിച്ച് കടുക് പൊട്ടിക്കുക. കറിവേപ്പിലയും ഉള്ളി അരിഞ്ഞതും വറ്റൽ മുളകും ഇടുക.ശേഷം അരച്ചുവച്ച ചമ്മന്തിയും വെള്ളവുമൊഴിച്ച് തിളക്കുമ്പോൾ വാങ്ങുക.

ദോശയും രണ്ട് ചമ്മന്തി കറിയും തയ്യാർ.

Leave a Reply

Your email address will not be published. Required fields are marked *