മത്തി മുളകിട്ടത്

ആവശ്യമായ സാധനങ്ങള്‍

മത്തി- അരക്കിലോ
കുടംപുളി
ഇഞ്ചി -വലിയ കഷണം
വെളുത്തുള്ളി -8 കഷണം
വെളിച്ചെണ്ണ -ആവശ്യത്തിന്
കടുക്
ഉലുവ- ഒരു ടീസ്പൂണ്‍
പച്ചമുളക് -മൂന്നെണ്ണം
മുളകുപൊടി -അഞ്ച് ടീസ്പൂണ്‍
മല്ലിപ്പൊടി -രണ്ട് ടീസ്പൂണ്‍
ഉപ്പ്
കറിവേപ്പില

തയ്യാറാക്കുന്ന വിധം

1)മത്തി ഉപ്പ് ഉപയോഗിച്ച് കഴുകിയശേഷം കുടംപുളിയിട്ട വെള്ളത്തിലും കഴുകുക. വിനാഗിരി ഉപയോഗിച്ച് വീണ്ടും കഴുകി വൃത്തിയാക്കി, വറുക്കാന്‍ പാകത്തിന് മത്തി വരയുക

2) ഇഞ്ചി, വെളുത്തുള്ളി, പച്ചമുളക് എന്നിവ ചെറുതായി അരിയുക

3) ചൂടായ ചട്ടിയിലേക്ക് വെളിച്ചെണ്ണ ഒഴിച്ച് കടുക് പൊട്ടിക്കുക. ഉലുവ ഇടുക. ഇഞ്ചി,പച്ചമുളക്, വെളുത്തുള്ളി(2), കറിവേപ്പില എന്നിവയും ചേര്‍ക്കുക. മുളകുപൊടി, മല്ലിപ്പൊടി ചേര്‍ത്തു മൂപ്പിക്കുക.
ആവശ്യത്തിന് വെള്ളം ഒഴിക്കുക. ഉപ്പ് ചേര്‍ക്കുക.അതിലേക്ക് കുടംപുളി അഞ്ച് എണ്ണം കൂടി ചേര്‍ക്കുക

4) കൂട്ട് തിളയ്ക്കുന്ന സമയത്ത് മീന്‍ ചേര്‍ത്തു കൊടുക്കുക (മീന്‍ മുങ്ങിക്കിടക്കുന്ന പാകത്തില്‍ ഇടുക)

5) കറി തിളക്കുമ്പോള്‍ കറിവേപ്പിലയിട്ട് ചട്ടി ഇറക്കിവെക്കുക

സ്വാദിഷ്ടമായ മത്തി മുളകിട്ടത് തയ്യാറായി.

Leave a Reply

Your email address will not be published. Required fields are marked *