വൈകുന്നേരങ്ങളില്‍ ചായയ്ക്ക് ഒപ്പം കഴിക്കാവുന്ന കേരള സ്റ്റൈല്‍ റിബ്ബണ്‍ പക്കാവട

ആവശ്യമുള്ള ചേരുവകള്‍:

അരിപൊടി : 2 കപ്പ്
കടലപൊടി 1 കപ്പ്
മുളകു പൊടി: 2 ടേബിള്‍ സ്പൂണ്‍
മഞ്ഞള്‍ പൊടി 2 ടീസ് സ്പൂണ്‍
കായപൊടി: 2 ടീസ് സ്പൂണ്‍
പെരുംജീരകപൊടി: 2 ടീസ് സ്പൂണ്‍
ഉപ്പ് : ആവശ്യത്തിന്
വെളിച്ചെണ്ണ: വറുത്ത് കോരാന്‍ ആവശ്യത്തിന്
കറിവേപ്പില : 5 തണ്ട്
ആവശ്യത്തിന് വെള്ളം

തയ്യാറാക്കുന്ന വിധം:

1. അരിപൊടിയും കടലപൊടിയും ചേര്‍ത്തിളക്കി യോജിപ്പിക്കുക

2. മിശ്രിതത്തിലേക്ക് ആവശ്യത്തിന് ഉപ്പും , മഞ്ഞള്‍
പൊടിയും, മുളകുപൊടിയും ,കായപൊടിയും പെരുജീരകപൊടിയും, അല്പം വെള്ളവും 2 ടീസ് സ്പൂണ്‍ വെളിച്ചെണ്ണയും ചേര്‍ത്ത് നന്നായി ഇളക്കിയെടുത്ത് അരമണിക്കൂര്‍ മാറ്റിവയ്ക്കുക

3. ചൂടായ ചീനചട്ടിയിലേക്ക് വെളിച്ചെണ്ണ ചേര്‍ത്ത് കറിവേപ്പില വറുത്ത് കോരി മാറ്റിവെയ്ക്കുക

4. സേവ നാഴിയിലേക്ക് ആവശ്യമുള്ള ചില്ല് ഇട്ട ശേഷം തയ്യാറാക്കി മാറ്റിവച്ച മിശ്രിതം ചേര്‍ത്ത് എണ്ണയില്‍ വറുത്തെടുക്കുക, മാറ്റി വച്ച കറിവേപ്പില ചേര്‍ത്തിളക്കിയാല്‍ കേരള സ്റ്റൈല്‍ റിബണ്‍ പക്കാവട തയ്യാര്‍

Leave a Reply

Your email address will not be published. Required fields are marked *